Ginmando ni Philippine National Police (PNP) Acting Chief PLtGen. Jose Melencio Nartatez Jr. ang mas hugot nga imbestigasyon angot natabo nga shooting incident sa Sibulan, Negros Oriental nga nangin rason sang pagkapatay sang apat ka mga indibidwal kalakip na ang tatlo ka police.
Suno kay Nartatez, dapat ang patigayunon nga imbestigasyon sang Police Regional Office Negros Island Region (PRO-NIR) ang masarangan nga masabat ang tanan nga anggulo sa insidente kag gin-emphasize sini nga wala sang dapat pagtago ukon cover up sa mangin madalom nga pag-imbestigar sang mga imbestigador sa natabo nga krimen.
Nagpahanumdom man si Nartatez sa mga commanders nga magpatuman sang mas hugot nga monotoring sang ila nga mga personnel.
Madumduman nga sang Biyernes may natao nga shooting inciden sa isa ka bar sa Sibulan kun sa diin imbulbado ang tatlo ka police kag isa ka babayi.
