Nagpanawagan ang International Coalition Human Rights Group in the Philippines (ICHRP) sa International Criminal Court (ICC) nga gilayon nga mag-isyu sang arrest warrants batok sa mga anay kag subong nga opisyal sang gobyerno nga ginkilala bilang “co-prepatrators” sa gina-alegar crimes against humanity may kaangtanan sa anti-drug campaign ni Former Presidente Rodrigo Duterte.
Suno kay ICHRP Chairperson Peter Murphy, dapat usisaon ang mga designated officials kaupod si Duterte nga yara subong sa kustodiya sang ICC.
Ginhatagan man pagtamod sang grupo nga ang confirmation hearing sa Pebrero 23 ang magaserbe nga importante nga tikang para sa mga biktima sang drug war.
Madumduman nga ginpangalanan sang ICC sanday Senators Bato dela Rosa kag Bong Go, anay Justice Secretary Vitaliano Aguirre kag pila ka mga anay hepe sang Philippine National Police.
Samtang, hugot naman nga ginpanginwala nanday Aguirre kag Go ang ila kahilabtanan sa kampanya kontra droga sang nakaligad nga administrasyon, samtang si Dela Rosa ang ginatudlo nga arkitekto sang “Oplan Tokhang” nga wala nagtambong sa senado humalin pa sang nakaligad nga Nobyembre matapos gin-anunsyo ni Ombudsman Jesus Crispin Remulla nga ginpagwa na ang arrest warrant batok sa iya.
Nahibaluan nga nakatalana nakatalana sa Pebrero 23 ang confirmation of charges hearing batok kay Duterte, nga yara sa kustodiya sang ICC sa The Hauge, Netherlands.
