Ginalantaw sang human rights lawyer nga “pampalubag loob” lamang kun mapasakaan gid man sang kaso si former House Speaker Martin Romualdez may kaangtanan sa flood control corruptions.
Sa interview sang Bombo Radyo Bacolod kay Atty Cesar Beloria, may mga pagpati nga pabor kanday Romualdez kag President Ferdinand “Bongbong” Marcos Jr. nga wala sa Pilipinas si former Congressman Zaldy Co agud sila ang indi maguba.
Ginatindugan man nga ang mga testimoniya ni Co ang indi magamit nga ebidensya bangod ini ang wala ginhimo under oath.
Suno kay Beloria, matest lamang ang credibility sang witness sa atubang sang korte.
Apang suno sa human rights lawyer, ang importante sa karun amo nga indi hawshaw ang ifile nga kaso ilabi na nga nagabantay ang mga pumuluyo.
Ginakahangawa sini nga magfile sang hapaw nga kaso agud lamang mapahagan-hagan ang kaakig sang mga pumuluyo.
Nagalaom man si Beloria nga mangin wala sang pinilian ang imbestigasyon, bisan pa ang Presidente.
Suno sa abogado, may rekomendasyon na ang Independe Commission for Infrastructure sa pagfile sang kaso kay Romualdez.
Apang kwestyon pa kun ini ang aktuhan ni Ombudsman Jesus Crispin “Boying” Remulla.
May pronouncement man si Remulla nga naga-allign sa ICI, nga ang kaso nga ipasaka kay Romualdez ang ‘gross negligence’ lamang.
Kun sa diin kaangay nga maggwa nga ang sala lamang sang anay House Speaker amo nga wala nahibaluan kag napunggan ang kurapsyon, apang magagwa nga siya ang wala sang kaangtanan sa kurapsyon.
Suno kay Beloria, tuman ka nubo sang ‘gross negligence’ nga kaso kun ipaanggid sa ‘graft and malversation.’
