Para sa human rights lawyer sa ciudad sang Bacolod nagatinguha lamang si Senator Imee Marcos nga mangin consistent ini sa iya panindugan nga pabor sa mga Duterte kadungan sa pagpaggwa sini sang statement nga “unwarranted and unjustified” ang pagpadeploy sang masobra dos mil ka mga police para magraid sa Kingdom of Jesus Christ (KOJC) compound.
Hugot man nga ginkondena ni Marcos ang sobra nga pagpakita sang pwersa sang Philippine National Police para magserbe sang warrant of arrest kay Pastor Apollo Quiboloy.
Suno kay Atty Caesar Beloria, dapat nga maghalong ang mga public officials sa pagbuya sang ila mga statement.
Suno diri, wala man nagapamatok sa gobyerno si Marcos apang nagahatag man ini sang suporta sa pihak nga grupo.
Pahayag ni Beloria, ang senate ang naga-upod sa pagbalay sang layi para sa peace and order sang pungsod kag wala nagapili kun diin nga bahin ang luyag lang sini nga pamatian.
