Ginalantaw sang Human Rights Lawyer nga nakita ni dismissed Bamban, Tarlac Mayor Alice Guo nga siya ang mas maprotektahan kun yara sa compound sang Philippine National Police (PNP) gani siya ang wala nagfile sang bail.
Madumduman nga magluwas sa arrest order sang Senado, ang Capas, Tarlac Court ang nagpagwa man sang warrant of arrest sang Huwebes.
Ini angot sa ginfile nga complaint sang Department of Interior and Local Government (DILG) sa paglapas sa Republic Act 3019 ukon Anti Graft and Corrupt Practices Act.
Sa interview sang Bombo Radyo Bacolod kay Atty Ceasar Beloria, dapat nga iremit sang arresting officer sa korte si Guo kag ini ang magadesisyon kun sa diin nga jail facility ihamtang ang suspect.
Madumduman nga ginremit sang Capas Court sa PNP Custodial Center kag wala na sang mahimo diri ang Senado.
Pahanumdom ni Beloria nga ginpahayag ni Guo nga siya ang may death threat, gani apisar nga mahapos lamang sa iya nga mabayaran ang bail nga P180,000 mas ginpili sini nga indi magpyansa.
Ini bangod nakita sini nga siya ang mas secure kun yara sa compound sang kapulisan.
Samtang kun ini ang kinahanglanon sang Senado, ini ang pahanugutan man nga makatambong.
Dugang pa sini kun magpyansa si Guo sa graft charges, siya ang idetain man gihapon sa Senado kun sa diin siya ang gincite in contempt bangod sa indi pagtambong sa mga hearings.
Suno kay Beloria, wala nakaseguro si Guo sa kahugot sang seguridad sa Senado, kag ini ang mas kampante sa kustodiya sang PNP
Aminado man ang human rights lawyer nga indi man malikawan ang pagpaminsar sang publiko sang posibilidad nga may ginhatag nga pabor ang PNP, apang nagapati si Beloria nga ang desisyon sang korte sa pagpili sang jail facility ang natun-an sang maayo.
