Nagapati ang human rights lawyer nga may mga sampolan gid si Commission on Election Chairman Atty George Erwin Garcia angot sa vote buying subong nga eleksyon.
Sa interview sang Bombo Radyo Bacolod kay Atty Ceasar Beloria, madugay na nga ginakonsiderar sang layi nga criminal act ang vote buying apang wala gid lamang nagakapatuman sa mga nagliligad nga eleksyon.
Purpose sini nga ma-exercise gid ang free will sang mga botante, bangod kun matabunan ang mata sang kwarta, kun kis-a indi na will ang botante ang ginaboto.
Pahanumdom ni Beloria nga indi lamang ang mga nagapamakal sang boto ang mahimo mangatubang sang criminal offense, subong man ang mga nagabaligya sang boto.
Nagapati si Beloria nga indi kaangay sadto nga wala sang may nagakadakpan bangod sa vote buying, sa karun ini ang estrikto nga ipatuman.
Ini bangod ang Comelec chairman ang madugay na nga election lawyer kag nakahibalo na sang dapat himuon.
Suno diri, si Garcia mismo ang nagapahayag nga wala pulos ang layi kun papel lamang.
Paandam man ni Beloria sa mga Election Supervisors nga kun lapnagon ang vote buying sa ila area kag wala sang may ginahimo, ini ang mahimo magdangat man sa Comelec chairman.
Magapanabat man sa layi ang mga kapulisan kun sila ang magaserbe pa nga security sang mga kandidato sa pagpamakal sang boto.
Pahanumdom ni Beloria sa pumuluyo nga indi magrisgo sa pagbaligya sang boto.
Suno diri, ginkumpirmar sini sa Comelec legal department ang kinahanglan sa pagreport sang vote buying, kag sila ang nagakinahanglan lamang sang ebidensya kaangay sang litrato, video kag ang affidavit gikan sa complainant.
Ang mga madakpan naman sa akto ang sarang lang nga ma-aresto gilayon bisan wala sang warrant of arrest.
