Nagapati ang isa ka Human Rights lawyer nga dako ang papel sang mga kabataan sa kahilwayan, demokrasya kag diwa sang pungsod kasunod sa ika-37 nga anibersaryo sang EDSA People Power Revolution.
Sa interview sang Bombo Radyo kay Atty. Neri Colmenares, na-agyan sini nga mapriso sadto nga tion sang ini ang nagduso nga ibalik ang student council.
Suno diri, kinahanglan tandaan ang nahitabo sa maragtas sang pungsod sa bisan ano nga henerasyon.
Panawagan sini sa mga estudyante, nga importante ang ila nga mga papel sa kahilwayan, demokrasya kag diwa sang pungsod.
Dugang pa sini, nga ang mga estudyante ang may ikasarang nga maghibalo sang problema kag magpangita sang solusyon nga natun-an na sang mga ini sa sulod sang buluthuan.
Pahayag ni Colmenares, nga padayon ang paghibalo sini sa nahitabo sadto kag pagtrabaho agud mapasanyog ang pungsod nga mangin may respeto kag wala sang korapsyon.
