Ginpahayag sang Human Rights Lawyer nga wala sang may nakita nga irregularities ang Commission on Audit (COA) sa financial statement sang Office of the Vice President para sa confidential fund sang opisina sa tuig 2023.
Sa interview sang Bombo Radyo Bacolod kay Atty. Cesar Beloria, santo sa ginpagwa nga independent auditor’s report halin sa COA namensyonar nga unmodified ang ila opinion kun sa diin nakita sang COA nga ang fianncial statement nga ginpresent ang may material respect kag compliant sa accounting standard.
Suno diri, nakumpleto sang OVP ang requirements para sa confidential fund nga ginapangayo sang auditor.
Bangod sini, nakit-an nga wala sang material irregularities sa financial statement lakip na sa confidential funds amo nga wala sang pagbag-o sa opinion sang COA bangod nasunod man sang OVP ang standard procedure.
