Nagpabilin nga huring-huring lamang ang pahayag nga si Councilor Thaddy Sayson ukon si Councilor Al Victor Espino ang iduso sang Team Asenso para sa pagka-bise alkalde sa 2025 midterm elections.
Suno kay Sayson, ang desisyon sang grupo ang ila nga sundon kag suportahan.
Suno pa diri, sa umpisa pa lamang nagpahayag na ini nga kun sin-o man ang pilion sang partido, ila ini nga suportahan kag sundon ang desisyon.
Mahibaluan nga si Councilor Claudio Jesus “Kalaw” Puentevella ang aspirant sang team Asenso sa pagka-bise alkalde.
Mahibaluan nga lima ang nagfile sang COC sa pagka-kongresista sa Bacolod City Lone District nga amo sanday; former mayor Evelio Leonardia, incumbent mayor Albee Benitez, Romy Gustilo, Eduardo Gulmatico, kag Roger Abanit.
Sa pagka-alkalde naman sang ciudad, nagfile sanday incumbent congressman Greg Gasataya kag incumbent vice mayor El Cid Familiaran; samtang sa pagka-bise alkalde naman amo sanday incumbent councilor Atty Renecito Novero kag incumbent councilor Claudio Jesus Puentevella.
Samtang sa pagka-konsehal naman amo sanday; incumbent Councilor Jason Villarosa, Councilor Thaddy Sayson, Councilor Israel Salanga, Councilor Al Victor Espino, Councilor Em Ang, Councilor Celia Flor, Councilor Pao Sy, Councilor Vladimir Gonzalez kag fomer councilors nga sanday Barangay Singcang-Airport Punong Barangay Caesar Distrito, Homer Bais, Bobby Rojas kag Atty. Dindo Ramos, Atty. Ana Marie Palermo, Atty. Archie Baribar, Wilson Gamboa Jr., kag sanday Punong Brgy Teodoro Yulo sang Brgy 34, Christian John Weber sang Barangay Mandalagan; Barangay Vista Alegre Punong Barangay Jose Maria Leandro Norberto ‘Lindy’ de Leon; Brgy Pahanocoy Punong Brgy Yolanda Noble; Brgy Kagawad Ernesto Yap sangh Brgy 32; Ken Paolo Gilo; Kenneth Ian Belario; Pete Pico former DIWA Partylist Representative kag Lilian Sembrano, presidente sang Kabakod Negros Transport Coalition Incorporated (KNETCO), Rico Villafuerte, Marlon Solidum kag Maria Ella Dapiton.
