Nagapati si Ian de Leon nga maabot ang adlaw nga makay-o ang relasyon nila nga mag-ululutod.
Gin-athag ni Ian nga ang One-Person Corporation (OPC) amo ang magaserbe nga legal structure para sa Nora Aunor Enterprise para sa mga proyekto tuhoy sa kabuhi sang Superstar kag iban sa makuha nga income diri igahatag sa Nora Aunor Foundation.
Suno diri, sa karun nagapati siya nga normal lamang nga may yara sang indi pag-intindihanay sa pamilya ilabi na kun yara sila sa mata sang publiko.
Suno kay Ian, nagapati ini nga maabot ang adalw nga mag-isa sila nga mag-ululutod para mapabilin ang legasiya sang ila iloy nga si Nora.
Dugang pa sini, ang OPC indi para sa iya kaugalingon nga interes apang ini para mahatagan sang pasidungog ang kabuhi ni Nora humalin sang bata ini nga nagabaligya sang tubig kag mani sa estasyon sang tren tubtob nga nangin isa ka Superstar.
