Ibakal sang materyales sa ila balay ang padulongan sa P10,000 nga nadag-an sang 3rd prize guaranteed winner sa Grand Draw sang Swerte sa Palengke Promo 2026 sang Bombo Radyo kag Star Fm.
Ang 58-anyos nga tagdaog amo si Jenny Galas sang Purok Mainuswagon, Brgy Alijis, Bacolod City nga naggamit ang Efficascent Oil.
Si Galas ang may isa ka bata nga lalaki nga naga edad sang 29.
Napatapos sini ang iya bata sa higshcool apang bangud sa kapigaduhon, indi na sini masarangan nga paskwelahon sa kolehiyo.
Sa subong, ang iya bata ang nagapangita sang trabaho samtang siya ang nagapanglabada.
Ang iya bana naman ang nagabiyahe sang sikad.
Tuman man ang kalipay sini nga siya ang napilian bilang isa sa mga tagdaog.
Idugang sini bakal maintenance kag panginahanglanon sa sulod balay ang cash nga iya nadag-an.
Nagpasalamat ini sa Bombo Radyo kag Star Fm kasubong man sa mga sponsors sa iya pagdaog.
Nagpangagda si Galas sa iban nga maghulog man sang entries sa masunod nga mga papromo sang Bombo Radyo agud magdaog kaangay niya.
