-- ADVERTISEMENT --
Wala na sang may nagluntad nga pagbaha sa bahin sang Ibid creek sa Sitio Tamburong, Brgy Biak na Bato, La Castellana, Negros Occidental apisar nga nagbubo ang ulan kahapon.
Sa interview sang Bombo Radyo Bacolod kay La Castellana Mayor Añejo Nicor, nahawanan na ang dalom sang taytay bangod sa clearing operation.
Suno diri, wala sila may nabaton nga reklamo halin sa mga pumuluyo sang nag-ulan kahapon.
Samtang, padayon sini nga ginapa-alerto ang mga pumuluyo bangod sa ash emission sa bulkan Kanlaon.
