Ginhangkat sang presidente sang Integrated Bar of the Philippines Negros Occidental Chapter ang mga grupo nga nagapamatok sang Anti-Terrorism Act of 2020 nga magfile man sang petisyon sa Korte Suprema.
Sa interview sang Bombo Radyo kay Atty. Jun Manlapao, aminado ini nga wala na sila sang may mahimo bangud napirmahan na ni Presidente Rodrigo Duterte ang hagna kag nangin opisyal na nga layi apang ila hingagawon nga makapadangat sang petisyon sa Korte Suprema.
Suno kay Malapao, nagakalipay ini bangud may mga nauna na nga mga grupo nga nagfile sang petisyon kag nagpanghangkat man ini sa iban pa nga nagapamatok sa layi, nagapati sa due process kag nagapanindugan sa Bill of Rights nga magfile man sang petisyon.
Nagapati ini nga may mga probitions nga nagakontra sa Saligang Batas kag Konstitusyon kaangay sang indi pagsunod sa due process kag designation sang anti-terrorism council.
Suno diri, kinahanglan nga kwestyunon gid sa Korte Suprema ang mga probition, advantages kag disadvantages sang layi agud ila madesisyunan kun epektibo gid man ini ukon indi.
