Ginbasura sang Pre-Trial Chamber I sang International Criminal Court (ICC) ang hingyo sang depensa ni anay President Rodrigo Duterte nga tugutan sila nga i-apelar ang nangin desisyon angot sa mga kaso nga “crimes against humanity” may kaangtanan sa ‘war on drugs’ campaign sang anay administrasyon.
Suno sa kampo ni Duterte, tuman ka lapad ang kasangkaron sang kaso, apang santo sa prosekusyon, napaathag na ang basehan sang ebidensya nga gingamit sa desisyon.
Ginpanindugan naman sang depensa nga indi suspisyente ang paathag sang korte sa ebidensya nga gingamit.
Sabat naman sang prosecution, ginsunod sang Pre-Trial Chamber ang husto nga proseso kag indi kinahanglan nga isa-isahon ang tanan nga ebidensya sa nangin desisyon diri.
Madumduman nga sang Abril 23, ginkumpirmar sang ICC ang mga kaso batok kay Duterte angot sa ginaalegar pagpatay sa idalom sang iya kampanya batok sa iligal nga droga.
