Nagapadayon ang imbestigasyon batok sa iban nga mga personalities nga na-tag sa charge nga crimes against humanity batok kay former President Rodrigo Duterte sa International Criminal Court.
Suno kay ICC spokesman Fadi El Abdallah, ang ICC prosecutor kag ang iya opisina ang padayon nga naga-investigate kag kun may yara sila sang supisyente nga ebidensya, ila ini igapresentar sa mga judges kag ang judges ang magadesisyon kun sila ang maga-issue sang arrest warrants.
Suno diri, nagapadayon pa ang mga imbestigasyon kag ang confidentiality amu ang isa ka key element agud masiguro ang kadalag-an sang imbestigasyon agud sila ang makahatag sang dugang nga detalye natuhoy diri.
Apisar nga wala sang may ginmensyunar nga maskin sin-o, una na nga ginpahayag ni Senator Ronald Dela Rosa, isa ka anay police chief kag drug war enformer, nga ginalauman na sini nga siya ang masunod nga arestuhon sang ICC.
