Nagpangabay ang International Criminal Court (ICC) Office of the Prosecutor sa Trial Chamber III nga magpagwa sang mando para sa padayon nga pagpriso kay anay President Rodrigo Duterte agud indi ini makaimpluwensiya sa mga testigo.
Suno kay Acting Prosecutor Mame Mandiaye Niang, wala sang pagbag-o sa kondisyon ni Duterte nga magatulod sa Trial Chamber III nga i-revise ang ila anay mando nahanungod sa pag-detain sa iya.
Apang, nag-file sang observation ang prosekusyon kahapon, Setyembre 14, nga nagapahayag nga mas nagtaas ang risgo kag posibilidad nga mag-abscond ukon indi mag-atubang sa trial si Duterte kasubong man sa risgo nga magpasilabot ini sa mga testigo samtang nagahilapit ang trial.
Magluwas sa sigurado na nga petsa sang trial, may isa ka partikular nga rason apang ini ang gin-redact, kun ngaa mas taas ang risgo nga magpalagyo ang akusado.
