Yara sa gihapon sa kustodiya sang International Criminal Court si former President Rodrigo Duterte suno sa tagpamaba sang tribunal nga si Dr. Fadi El-Abdallah.
Suno diri, iya ginakumpirmar nga wala sang pagbag-o sa status ni Duterte kag nagapabilin sa ICC detention center.
Ini sa tunga sang mga kwestiyon kun nakagwa na si Duterte ukon wala sa ICC detention facility sa Scheveningen Prison sa The Hague, Netherlands.
Si Duterte ang yara sa karun sa The Hague agud magpangatubang sang mga kaso bangud sa crimes against humanity case natuhoy sa drug war sang iya administrasyon.
Ang confirmation of charges sini ang natalana nga matigayon sa Setyembre 23, 2025.
Una na nga naghingyo ang kampo sini sang isa ka interim release apang ginrequest man sa tribunal nga i-defer ang desisyon sini tubtob nga nacollate na sang defense lawyers ang tanan nga kinahanglan nga supporting information.
