Nagpagwa sang kumpirmasyon ang International Criminal Court (ICC) nga nag-issue ini sang warrant of arrest batok kay Senator Ronald “Bato” Dela Rosa may kaangtanan sa war on drugs sang Duterte Administration.
Santo sa ICC, sekreto nila nga gin-issue ang warrant sang tinalikdan nga Nobyermbre 6, 2025 apang mahimo ini ipaambit sa mga estado kag mga organisasyon nga may nagakaigo nga otoridad.
Nakasambit sa 16-pages nga dokyumento nga may yara sang “reasonable grounds” agud malakip si Dela Rosa bilang indirect co-perpetrator sa crimes against humanity, partikular sa kaso nga murder humalin sang Hulyo 2016 tubtob Abril 2018.
Ginpahayag man sang ICC nga kinahanglan maaresto si Dela Rosa agud masiguro ang iya pag-atubang sa korte kag malikawan ang posible nga pagpasilabot sa imbestigasyon.
Suno sa Tribunal, nagpamahog si Dela Rosa batok sa mga imbestigador sang ICC kag gintawag ang mga nagakooperar sa imbestigasyon nga “mga traidor.”
Madumduman nga si Dela Rosa ang hepe sang Philippine National Police sang ginpatuman ang madugo nga kampanya kontra droga sang administrasyon Duterte.
