Ginkumpirmar ni Atty. Krissy Conti, assistant to counsel sa International Criminal Court (ICC), nga gintukod na ang Trial Chamber III para mag-uyat sang kaso ni anay Presidente Rodrigo Duterte may kaangtanan sa war on drugs.
Suno kay Conti, ang ICC ang nag-appoint sang tatlo ka mga judges nga amo sanday Judge Joanna Korner, Judge Keebong Paek, kag Judge Nicolas Guillou.
Suno kay Conti, administratibo ang tanan nga masunod nga tikang kag nagakinahanglan sang koordinasyon sa tunga sang prosecution, defense, kag legal team sang mga biktima.
Mahimo magpatigayon sang status hearing sa private session sa mga masunod nga adlaw.
Ang ICC ang nag-umpisa sang imbestigasyon sa Pilipinas matapos ang mga report nga linibo ang nagkalamatay sa idalom sang kampanya batok sa iligal nga droga ni Duterte humalin pa sang 2016 tubtob 2022.
