May identity na ang duha ka miyembro sang Communist Party of the Philippines-New People’s Army (CPP-NPA) nga napatay sa nagluntad nga engkwentro sa tunga sang 94th Infantry Battalion sang Phillipine Army kag remnants sang Central Negros 2 sa Purok Pisok, Brgy Buenavista, ciudad sang Himamaylan, Negros Occidental, kahapon, kapin alas- 8:40 sang aga.
Sa interview sang Bombo Radyo Bacolod kay Brig. Gen. Orlando Edralin, Commander sa 303rd Infantry Brigade sang Philippine Army, naggikan sa mga mangunguma kag quarry operators ang impormasyon nga may yara sang presensya sang NPA sa lugar.
Suno diri, nagdugay sa lima ka minutos ang engkwentro kag kasunod sini nalagyo sa nagkalain-lain nga dereksyon ang ginabanta nga lima ka miyembro sang NPA.
Ginkumpirmar naman sang mga former rebels nga kaupod nila sadto ang duha ka mga napatay nga sanday Joan Lacio Encancion alias ‘Mark Covid’, isa ka Vice Commanding Officer sang Sentro de Grabidad Platoon kag si Jolina Martinez Sergio alias ‘Chloe 19’, isa ka Political instructor sang SDG Platoon.
Samtang, narekober naman gikan sa encounter site ang M14 kag M16 rifle, mga bala, personal belongings kag subersibo nga mga dokumento.
