Ginpakigbahin sang isa ka animal shelter sa West Virginia ang CCTV footage sang isa ka ido nga daw kaangay sang tawo nga ginbuksan ang pwertahan kag nag-eskapo.
Makita sa video nga gin-share sang Huntington Cabell Wayne Animal Shelter ang ido nga daw isa ka “Houdini” kun sa diin nakagwa gikan sang iya nga ginkandaduhan nga kurong samtang sirado ang shelter.
Ang ido ang ginhingadlan nga Dawson.
Makita man diri si Dawson nga nagpalapit sa pirtahan kag nagtindog kag gin-gamit ang iya nga baba agud nga buksan ang pwertahan.
Gintulod sini ang pwertahan kag gilayon nga naghalin.
Pahayag sang shelter nga “This is NOT AI, though we wish it was”.
Dugang pa nga si Dawson ang tuman ka alam nga ido bangud nakasweto ini kun paano magbugkas sang pwertahan.
Samtang, ginpahayag naman sa amo nga shelter nga nakita na nila ang ido kag ini ang yara sa maayu nga kahimtangan.
