Ika-12 ka tuig nga pagpamuno ni Pope Francis sa Simbahan Katoliko, ginselebrar paagi sa isa ka cake samtang yara sa sulod sang ospital

Ginmarkahan ni Pope Francis ang 12 ka tuig sini nga pagpamuno sa Simbahan Katoliko ang Huwebes kag ginselebrar ini paagi sa isa ka cake kadungan sang amat-amat sini nga pagrecover matapos ang isa ka bulan sa ospital.

Una nga gin-admit ang 88-anyos nga Santo Papa sa Gemelli Hospital sa Rome bangud sa double pneumonia kag nangin kritikal ang kondisyon sa sulod sang pila ka semana.

Apang sang nagliligad nga mga inadlaw, nag-amat-amat improve ang iya kondisyon kag ginreport sang Vatican nga estable na ang iya ikaayong lawas.

Nagsaulog ini sang iya ika-12 nga tuig bilang Santo Papa kaupod ang mga health workers nga naga-atipan sa iya.

Pagkatapos sini, siya ang nagpangamuyo kag nagpadayon sa iya breathing exercise.