Posible nga iga-file ang ikaapat nga impeachment complaint batok kay Vice President Sara Duterte sa Kamara sa masunod nga semana.
Suno kay House Secretary General Reginald Velasco, ang ini nga impormasyon ang ginrelay sa iya sang isa ka miyembro sang House majority kag ginalauman sini ang filing sang bag-o nga complaint sa Lunes.
May yara man sang iban nga mga members nga nagarequest pa sang extension bangud nagaplano ang mga ini nga magfile sang dugang ukon ikaapat nga complaint.
Suno diri, wala pa ginpahayag kun pila ang maga-endorso apang pagahulaton lamang ang ikaapat nga cmplaint.
Suno kay Velasco, kun magfile ang mga ini sa Lunes, siya ang magahimo sang desisyon kun i-refer niya ini sa Speaker ukon i-delay bangud iya ini igarefer sa legal department agud tun-an kun matigayon gid man ang ikaapat nga complaint.
