Napalab-ot na sa talatapan ni House Speaker Faustino “Bojie” Dy III ang ikaapat nga impeachment complaint batok kay Vice President Sara Duterte.
Ang complaint ang gin-file ni Atty. Nathaniel G. Cabrera sa opisina ni Secretary General Cheloy Garafil kagab-i, Pebrero 18.
Gin-endorso ini nanday House Committee on Human Rights Chairman Manila Rep. Bienvenido “Benny” Abante, Jr. kag House Deputy Speaker La Union Rep. Paolo Ortega V.
Suno kay Garafil, ang papel sang House Secretary General sa proseso sang impeachment ang ministerial lamang kag limitado sa pagbaton sang impeachment complaint kag pag-transmit sang mga pleadings kag dokumento sa Kamara.
Ginpasiguro sini nga ano man nga tikang may kaangtanan sa impeachment ang istrikto nga nakasandig sa Konstitusyon kag pagsulundan sang Kamara.
