Magapatigayon sang ikaduha nga flushing operations ang Bacolod City Government sa tatlo ka mayor nga merkado sumugod karun sa gab-i.
Interview kay Bacolod City Administrator Atty Mark Mayo
Sa interview sang Bombo Radyo Bacolod kay Bacolod City Administrator Atty Mark Mayo, patigayunon karun alas-8:00 sa gab-i ang flushing activity sa Libertad Public Market, samtang sa Burgos Public Market naman sa alas-9:00 sang gab-i.
Interview kay Bacolod City Administrator Atty Mark Mayo
Samtang bwas sa gab-i naman patigayunon ang flushing activity sa Bacolod Central Market.
Ang flushing activity ang hungod nga ginapatigayon kun gab-i sa tion nga nakapanghimos na ang mga vendor.
Pinaagi sini wala sang maapektuhan nga vendors kag manugbakal.
Ang ciudad ang liwat nga magapatigayon sang duha ka flushing activity sa tunga-tunga kag katapusan nga semana sang Agosto.
Samtang sa ila nangin inspection nakaligad sa Libertad kag Burgos Public Market, amo gihapon ang mga concerns sang vendors.
Kalakip diri ang features, problema sa drainage, gutters, nagatulo nga atop kag ventilations.
Yara man ang long-standing concern tuhoy sa ginapangayo nga Notice of Award.
Suno kay Mayo, maconvene ang ila local market committee nga amo ang maga-address sa issue, samtang ginmando naman sini sa mga vendors ang pagcomply sang mga dokumento kaangay sang proof nga nasettle na ang arrears, rentals kag nakaproseso na sang business permit.
