Napirmahan na ni Budget Secretary Amenah Pangandaman ang National Budget Circular No. 597, kun sa diin nakapasad ang rules and regulations para sa pagpatuman sang ikaduha nga tranche sang salary increase para sa mga sibilyan nga empleyado sang gobyerno.
Ang nasambit nga Circular ang gin-issue kadungan sang implementasyon sang updated Salary Schedule para sa Civilian Personnels sany sa Executive Order (EO) No. 64, s. 2024, nga ginpirmahan ni President Ferdinand “Bongbong” Marcos Jr. sang Agosto 2024.
Nakasaad sa EO no. 64 nga ang update Salary Schedule ang kinahanglan nga iimplementar sa National Government Agencies sa apat ka tranches.
Ang una nga implementasyon ang nagsugod sang Enero 1,2024 kag igapatuman sa una nga adlaw sang kada tuig tubtob sa Enero 1, 2027.
Sakop sa EO ang tanan nga civilian government personnel, Constitutional Commissions kag iban pa nga Constitutional Offices, State Universities and Colleges, kag Government-Owned and Controlled Corporations (GOCCs).
Samtang wala naman ini na-apply sa mga military kag uniformed personnel; government agencies nga indi sakop sang RA No. 6758; GOCCs sa idalom sang RA No. 10149 kag EO No. 150; mga indibidwal nga wala sang employer-employee relationship, mga laborers nga may job contracts, mga ginabayaran sa piecework basis kag iban pa.
Suno sa DBM, ang pondo nga kinahanglanon para sa salary adjustment sang civilian government personnel sa Fiscal Year 2025 ang iga-charge sa idalom sang FY 2025 General Appropriations Act, subject to budgeting, accounting, kag auditing rules and regulations.
