UKRAINE-RUSSIA WAR UPDATE—- Natapos ang ikatatlo nga round sang peace talks sa tunga sang Russia kag Ukraine sa border sang Belarus matapos ang apat ka oras kag wala gihapon sang major breakthroughs apang may mga positibo nga developments sa pag-improve sang logistics sang humanitarian corridors.
Magapadayon naman ang negosasyon sa isa ka potential ceasefire kag mas malapad nga political solution.
Suno sa Defense Ministry sang Russia, nagpasugot ini nga untaton anay ang fire kag buksan ang humanitarian corridors nagikan sa Kyiv, Kharkiv, Sumy kag Mariupol.
Apang ang evacuation routes ang magadala sa mga Ukrainians sa idalum sang seige pakadto sa ciudad sang Russia kag Belarus.
Ang ini nga tikang ang gilayon naman nga gindenounce sang mga Ukrainian officials, nga gintudlo ang nagluntad na sadto nga mga efforts agud mag-establish sang evacuation corridors.
Suno sa isa ka tagpamaba ni President Volodymyr Zelensky, makabig nga “completely immoral” ang ini nga tikang kag nagapati nga ang Russia ang luyag nga gamiton ang pag-antos sang Russia sa paghimo sang television picture.
Suno sa Russia, ang apparent evacuation corridors ang nagsulod bilang sabat kay French President Emmanuel Macrson.
Sa diskusyunon, nagpabutyag ang Kyiv sang willingness nga batunon ang isa sa mga demands sang Moscow, ini ang pagpasalig nga magapabilin nga neutral ang pungsod kag hukson ang option nga makigbahin sa NATO.
Apang nagpahayag si Russian President Vladimir Putin nga magapadayon ang konflikto tubtob malab-ot ang tanan sini nga demands.
