Kun kaisa may hitabo gid sa atun kabuhi nga nagakatalang kita ukon may yara kita sang masal-an.
Apang pinasahi ang natabo sa isa ka iloy nga ido sa Cabanatuan, Nueva Ecija.
Nakibot ang isa ka fur parent sang makita niya ang bag-o lamang nga nagbata nga ido sini nga isa ka chihuahua, nga may nagaupod sa mga tutoy sini nga indi ido, kundi tuman kadako nga ilaga.
Suno kay Erwin Estoque, fur parent sang ido nga si “Tiny,” ginkakibot niya nga may upod nga ilaga ang iya ido apisar nga wala sini maluyagan ang nasambit nga sapat.
Apang nakita niya nga very close ang iya nga ido sa ilaga kag ini pa mismo ang nagpasulod sini sa cage.
Gintinguha-an pa nila nga kuhaon ang ilaga apang nagapangakig si Tiny.
Gani, naggamit siya sang kimpit agud nga makuha ang ilaga sa cage.
Suno sa beterinaryo nga si Dr. Sean Javier, posible nga madugay na nga nagabisita sa lugar ang ilaga kag nangin kaangay na ang baho sini sa mga tutoy.
