Indi malikawan suno sa political analyst nga indi mag-ilinaway ang Senado kag House of Representives angot sa isyu sa flood control projects kag korapsyon.
Sa privilege speech ni Senator Francis Escudero gina-akusahan sini si Leyte first district representative Martin Romualdez nga nagapagwa sang drama agud masaylo ang atensyon sang publiko sa Senado kag masalbar ang House of Representives angot sa ghost kag sub standard nga flood control projects.
Sa interview sang Bombo Radyo kay Atty Jomax Ortiz, naga-ilinaway sanday Escudero kag Romualdez bangod naggwa ang ila pangalan angot sa flood control project apang ang ila gina-awayan suno sa abogado may isa lang man ka dereksyon nga amo ang pagpamatok sa korapsyon.
Suno diri, nagbalos lang si Escudero kasunod sa pag-imbetsiga sa iya sa gina-alegar nga may ginbaton siya nga P30 million sang nagpapili bilang Senador kag may milyones nga balor sang kwarta gindul-ong sa iya balay.
Samtang, naggwa man ang pangalan ni Romualdez nga nagabaton man sang kickbacks sa mga proyekto kag ginatudlo man nga may dako nga involvement si former Ako Bicol Representative Zaldy Co.
Pahayag ni Ortiz, para kay Escudero sila nga mga Senador madasig nga gintudlo nga may involvement sa korapsyon apang gina-delay naman ang imbestigasyon sa House of Representatives.
