Nagpasalamat ang Ilonggo nga pasahero sa Philippine Airlines Flight PR113 nga sila ang luwas matapos mapilitan ang eroplano nga magbalik sa Los Angeles International Airport bangud sa pagkalayo sang isa sini ka makina kaina sang aga.
Padulong na kuntani ang eroplano sa Manila halin Los Angeles, California, sang gindeklarar nga ini ang maga-emergency landing pila ka minuto palang matapos ini magtake-off bangud sa isa ka engine failure.
Sa interview sang Bombo Radyo kay Father Pedro Calvo Jr. sang Calinog Iloilo, nagpasalamat ini nga luwas sila nga nakalanding sa Los Angeles International Airport.
Suno kay Father Calvo, normal ang pagtake-off sang eroplano apang may pasahero nga nakakita nga ang isa ka makina ang nagabuga sang kalayo kag suno sa iya, gakabatyan nila nga ga-undag undag ang sulod sang eroplano kada magbuga ini sang kalayo.
Gintawgan sang mga flight attendant ang kapitan kag makaligad ang napulo ka minutos, nag-anunsyo ang piloto nga may yara sang engine trouble.
Sang nakahugpa na, nagpamalakpak ang mga pasahero suno sa pari bangud sila ang luwas.
Sang nakapanaog na ang mga pasahero, nakit-an nga guba gid man ang mga royda sang eroplano.
Suno kay Father Calvo, tuman ang iya nga pagpangamuyo antes pa man makalanding bangud indi nagakaangay nga magpanic.
