Ginpahayag sang naka-witness sa pagkuha sa tatlo ka namissing sa Brgy Vista Alegre, Bacolod City nga may yara sang bata nga kaupod ang tatlo ka namissing, kag ang isa ka bata nga nakapalagyo naman amo ang nangayo sang bulig sa iya.
Madumduman nga nagreport si Tricia Antiquera nga na-missing ang iya iloy nga si Loreville Antiquera, live- in partner sang iya iloy nga si Joen Villacojer kag ang iya nga live-in partner nga si Junel Nangan, nga lunsay mga residente sang Brgy Mansilingan, Bacolod City.
Sa exclusive interview sang Bombo Radyo kay Mark, Hunyo 2, alas- 9:30 sang gab-i, nakita lamang sini ang isa ka lalaki nga may height nga kapin sa 5’2 ang ginsulod sa avanza taxi samtang ang duha naman ka motorsiklo nga dala sang tatlo ka namissing ang gindala sang wala nakilal-an nga mga tawo.
Kasunod sini, may pito ka tuig nga bata nga babayi nga nagdalagan sa iya para mangayo sang bulig.
Suno kay Mark, ginakurog ang bata samtang naga-esturya sa iya kag nagpahayag nga may isa pa gid ini ka bata nga kaupod nga naupod sa tatlo ka namissing.
Nakita man sini nga gilayon nga naglakat ang taxi padulong sa Barangay Vista Alegre.
Gilayon naman nga gindala ni Mark ang bata nga babayi sa police station.
