Emosyonal gihapon ang iloy kun madumduman ang kamatayon sang iya bag-ong bun-ag nga lapsag nga lalaki sang siya ang ginpabata sa Bago City Hospital sang Pebrero 18.
Una nga naglupok ang balita matapos magpabutyag sang kalain sang buot ang bana nga si Patrick Saylo kag nagpanawagan sa Bago City Hospital nga kay-uhon ang ila nga serbisyo.
Sa interview sang Bombo Radyo Bacolod sa iloy nga si Jennifer Saylo, 45 anyos, Grade 3 teacher, residente sang Barangay Taloc, Bago City, ini na kuntani ang ikatatlo niya nga bata, kun sa diin ang subang ang edad 20 anyos, kag 15 anyos naman ang ikaduha.
Suno diri, nagwalking pa ini sa ila sang hinali nagsakit ang iya nga tiyan gani sila ang nagpadulong sa Bago City Health Office kapin alas-10:00 tubtob alas-11:00 sang aga.
Sa internal examination (IE) sang Bago CHO, yara sa 8cm ang baby, apang sang magtindog ini hinali nga naglupok ang iya nga tubigan.
Bangod sini, nagtawag sang ambulansya, kag una nga ginrequest sang iloy nga siya ang dal-on sa Valladolid District Hospital bangod may record na ini didto, apang siya ang ginsabat nga sila ang may One Hospital Command.
Paathag sa iya nga wala sila sang referral padulong sa Valladolid District Hospital, kag ginpanindugan nga ini ang dapat sa Bago City Hospital dal-on bangod siya ang residente sa ciudad sang Bago.
Sa IE sang ospital, yara pa lamang sa 6cm to 7cm indi kaangay sa 8cm nga IE sang Bago CHO.
Nagreklamo pa ang midwife sa labor room, bangod siya ang ginasugo nga mag-inhale exhale lamang, nga indi sini mahimo bangod siya ang nagabun-a, nga naresulta agud siya ang nagpalamus-on.
Suno diri, nalab-utan 12 ka oras ang iya pagpasakit kag alas-10:00 tubtob alas-11:00 sang gab-i pa ini gindala sa delivery room.
Sa ultrasound, makita man nga plastado na ang baby, apang may-ara na sang indikasyon nga ini ang kinahanglan sang caesarean section.
Sang makagwa ang baby, nakabati ini nga may heartbeat apang wala nagahibi ang bata.
Ginpapa man ini agud pahibion tubtob makita sini nga kaangay nga may mga ginatakod na sa baby.
Nahibaluan nga wala sang caesarean section sa Bago City Hospital, apang may-ara kuntani sa Valladolid District Hospital.
Sa facebook post sang bana, nagrequest na ang iya asawa nga i-caesarean kag may document man gikan sa ob gyne nga kun indi masarangan sang iloy, dapat nga ipaidalom na sa CS, apang ginpilit gid sang hospital personnel ang normal delivery.
