Gin-anunsyar sang international singer nga si Mariah Carey nga nagtaliwan na ang iya iloy nga si Patricia kag utod sini nga si Alison sang weekend.
Ginkumpirmar mismo sang Grammy winner ang balita kag nagpahayag nga siya ang broken hearted bangod sa pagkadula sang iya iloy sang weekend.
Dugang pa sini sa kaangay nga adlaw, ginbawian man sang kabuhi ang iya nga utod.
Ginpakigpabahin sang singer nga maswerte siya nga nakaupod pa sini ang iya iloy isa ka semana antes pa man ini nagtaliwan kag ini ang makabig niya nga blessings.
Si Patricia ang Juilliard-trained opera singer kag vocal coach, kag sadto ginkasal sa aeronautical engineer nga si Alfred Roy Carey.
May yara sila sang tatlo ka mga kabataan nga sanday Alison, Morgan, kag Mariah, antes pa man nagdivorce sang si Mariah ang tatlo pa lamang ka tuig.
Si Alison ang nagpuyo kaupod sa ila amay samtang si Morgan kag Mariah ang nagpuyo kaupod si Patricia.
Si Patricia man ang nag-impluwensya kay Mariah sa music career.
