Nakasuhan na ang 26-anyos nga iloy sa ciudad sang Bacolod nga nadakpan sa buybust operation sang mga pulis sa Purok Lison, Barangay 1 kag nakuhaan sang dako nga kantidad sang shabu, Miyerkules sang gab-i.
Sa interview sang Bombo Radyo Bacolod kay Police Major Charles Gever, hepe sang Police Station 8, Biyernes sang hapon gin-file ang kaso nga paglapas sa Section 5 ukon selling kag Section 11 ukon possession sang illegal drugs sa idalom sang Republic Act 9165 ukon Comprehensive Dangerous Drugs Act of 2002 batok kay Arlene Arnaiz sang Purok Tilapia, Barangay 3.
Santo sa resulta sang analysis sang PNP Crime Laboratory, nagabug-at sang 275 grams ang shabu nga nakuha sa possession ni Arnaiz kag ini ang nagabalor sang 3.4 million pesos.
Nahibaluan nga sang ginpatigayon ang imbentaryo, ginpahayag sang otoridad nga ginabanta nagabug-at sang 270 grams ang recovery kag nagabili sang 3.2 million pesos.
Si Arnaiz ang ginkonsiderar nga high value target.
