Napilasan ang iloy sang duha ka mga bata nga napatay sa sunog sa Purok Active, Barangay Mandalagan, Bacolod City matapos nga naglumpat sa tricycle bangud indi sini mabaton ang natabo sa mga kabataan sini.
Madumduman nga napatay ang isa ka tuig nga kamanghuran sa nasambitan nga sunog samtang nabutong naman ang 6 anyos.
Madumduman nga nabilin ang mag-utod sa balay matapos mabiyaan sang duha nila ka magulang nga naglantaw sa program sang fiesta samtang nagatrabaho naman ang iloy.
Ang sunog ang gintuga sang kandila nga gintungtong sa plastic container.
Sa interview sang Bombo Radyo Bacolod kay Glen, tiyo sang mga biktima, siya mismo ang nagadrive sa tricycle sang naglumpat ang iloy sang mga bata matapos nga mahibaluan nga napatay man ang anum katuig nga bata nga una na nga gindala sa ospital sa Corazon Locsin Montelibano Memorial Regional Hospital.
Suno sa tiyo ang anum katuig nga bata ang napatay bangud na-infection ang pilas sini matapos nga wala madressingan santo sa alegasyon sang hinablos sini.
Si Angela ang nakaangkon sang 2nd degree burn sa duha ka mga butkon kag malapit sa abaga sa likod.
Una naman nga nangin estable ang kondisyon sang bata kag maestorya man sang tarong.
Dugang pa sang tiyo nga nakahambal ang utod sang biktima nga ginkuhaan sang dextrose ang bata kag gin-alegar man nga may gin-inject nga bulong sa bata antes pa man na nanggit-om ang pilas.
