Nagahibilion samtang nagapanawagan ang iloy sa Las Piñas nga kuntani maayo lamang ang kahimtangan sang iya mag-amay sa Hacienda Mercedes, Barangay Sag-ang, La Castellana nga indi sini macontact humalin pa sang Lunes matapos ang paglaslas ni Bagyo Tino.
Sa interview sang Bombo Radyo Bacolod kay Angelou Satoquia Legaspi, Lunes sang aga, naistorya pa sini ang iya bana nga si Bernie Dela Cruz, 38-anyos, kag ginhambalan nga sila ang mahingagaw na sa pagtabok sa Buhangin River.
Suno diri, ang ila puluy-an ang nahamtang sa tabok sang suba kag wala sang iban nga pamalay didto.
Kaupod sang amay ang duha nila ka mga kabataan nga babaye nga naga-edad pito ka tuig kag isa ka tuig.
Pagkatapos sang ila pag-istoryahanay, indi na sini macontact ang iya bana.
Martes sang siya ang gincontact sang pakaisa ni Bernie nga si Angelyn Aguilar nga naanod ang balay sang mag-amay sa Hacienda Mercedes kag wala natigayon nga makasaka ang mga ini sa ginatiniran nanday Aguilar.
Suno diri, posible nga natrap sa Buhangin River ang mag-amay kag indi man makadtuan sang mga rescuers bangud delikado ang sitwasyon.
Nagalaom ini nga kuntani luwas lang ang iya mag-amay kag mapahibalo ini gilayon kun ano ang ila sitwasyon bangud siya ang pila na ka adlaw nga nagakabalaka.
Yari ang contact number ni Angelou: 09167996296 kag 09464569415.
