Nagpanawagan sang pagpangamuyo kag suporta ang iloy sang Filipino Professional boxer para sa hampang sang iya anak subong nga adlaw sa Marvel Stadium sa pungsod Australia.
Sa interview sang Bombo Radyo Bacolod kay Merlyn Palicte, apisar nga suportado ang mga anak wala naman ini nagalantaw sa hampang sang mag-utod bangud nakulbaan ini nga makita ang mga anak sini nga nagabayluhanay sang inumol.
Suno kay Mrs. Palicte, personal nga nagpahayag si Aston Francis Palicte nga luyag sini magboxing kun sa diin ginsuportahan man nila ini.
Suno kay Merlyn, ang iya lamang nga bana ang nagaupod kanday Aston kun maghampang sa banwa ukon sa diin man sila magahampang.
Ang amay lamang sang mag-ululutod ang nagalantaw sa ila hampang kag ginasugiran na lamang sang resulta ang ila nga iloy.
Suno sa iloy nga Palicte sa siyam niya ka mga kabataan tatlo ang nagaboxing sadto apang sa karun si James na lamang kag si Aston bangud nag-untat ang isa bangud sa injury sa kamot.
Madugay naman nga wala makapauli si Aston kag ang asawa sini sa Bago City bangud man sa kasakuon sang training kag bangud man sa pandemya.
Ginpahayag man ni Merlyn nga sang napatay ang iya bana wala nakapauli sanday James kag Aston bangud nagatraining si James sa qualifying sa SEA Games nga ginpatigayon sa Hanoi, Vietnam samtang si Aston naman ang nagatraining.
Ulihi nga tawag ni Aston sa ila amo ang ginpahibalo siya nga may hampang ini sa Australia.
Wala naman ini nagadisturbo sa mga anak sini bangud nakahibalo man ini nga masako sa training.
Nagapangabay naman ang iloy sang Filipino boxer nga mangin safe kag madinalag-on ang hampang sang anak sini.
