Liwat nga nagpanawagan sang hustisya si Rovelyn Baterbonia, iloy sang nagtaliwan nga Ateneo Blue Eagles player nga si Rene Baterbonia, isa ka bulan matapos mapatay ang iya bata sa isa ka team-building activity sa Aurora sadtong Hunyo 8.
Sa iya nga social media post, nagalaum ini nga maggwa na ang kamatuoran sa insidente kag mahatagan sang hustisya ang kamatayon ni Rene.
Padayon naman ang imbestigasyon sang nagkalain-lain nga ahensya sang gobyerno kag sang Ateneo de Manila University.
Ginrekomenda naman sang Criminal Investigation and Detection Group (CIDG) sa Department of Justice ang pagpasaka sang kaso nga paglapas sa Anti-Hazing Act batok sa 11 ka indibidwal, kalakip ang anay head coach nga si Tab Baldwin, kasubong man sang kaso nga homicide kag reckless imprudence resulting in homicide batok sa iya kag sa walo ka iban pa.
