Priso si Jennifer Galve, iloy ni Pearl Joy Galve, ang Grade 10 student nga nasapwan patay sa La Carlota sang Agosto 14, 2024, matapos madakpan nga nagapataya sang ilegal nga STL sa Araneta St., Brgy. Sum-ag, Bacolod City sang Oktubre 20 sang aga.
Sa interview sang Bombo Radyo kay Police Captain Andy Ofalia, station commander sang Bacolod Police Station 9, madugay na nga nagapataya sang STL si Jennifer kag legal pa ini sadto bangud kompleto ini sang requirements.
Suno kay Ofalia, sang damlag lang, ila namonitor nga nalakip ini sa mga nagapataya nga wala sang permit.
Narecover sa iya paghinakup ang kwarta kag mga gamit sa pagpataya sang ilegal STL.
Suno diri, bailable ukon sarang nga makapyansa sa Jennifer para sa iya temporaryo nga kahilwayan.
Panugyan sang kapulisan nga likawan ang pag-engage sa ilegal gambling.
Si Jennifer ang iloy sang 15-anyos nga si Pearl Joy nga nasapwan nga wala na sang kabuhi sa katubuhan sa La Carlota City sang tinalikdan nga tuig.
Tubtob sa karun, wala pa sang may naaresto nga persona may kaangtanan sa iya kaso.
