Nakabatun sang pagpamahog ang iloy ni Pearl Joy Galve gikan sa iya nga step father nga si Rene John Nasis.
Sa interview sang Bombo Radyo Bacolod kay Police Captain Michael Tuburan, station commander sang Bacolod Police Station 9, nagsabat na sa ila nga tawag si Nasis apang ini ang wala nagsugid kun sa diin ini sa karun.
Ginpasalig nila nga sila ang handa nga magbulig agud nga makapaathag ang stepfather karun nga ini ang ginabasol sa social media nga may kahimuan sa pagpatay sang iya manak.
Madumduman nga namissing si Pearl Joy sang Hulyo 29 kag ini ang nasapwan na lamang nga nagakaagnas na sa kampo sa ciudad sang La Carlota.
Amat amat nga nagtuhaw ang mga impormasyon nga nagatudlo nga si Pearl Joy ang nagpanugid na sadto nga ginahikap sang iya step father ang iya dughan.
Ini ang ginkumpirmar man sang iloy nga si Jennifer Galve, kag iya man ini nga gin-akigan.
Kasunod sini, nag-ulan na ang mga komento sa social media nga nagabasol kay Nasis nga mahimo amo ang nagpatay sa dalagita ilabi na nga ini ang hinali man nga nadula.
Madumduman nga ginpahayag sang iloy nga naglayas si Nasis matapos nga magpangimon, kag ini ang nagtawag lamang sang masapwan ang bangkay ni Pearl Joy.
Constant man ang ila komunikasyon, apang may mga nagagwa nga impormasyon nga yara sa Cebu ukon Iloilo si Nasis.
Paathag ni Tuburan nga wala sang dapat nga ikahadlok sa pagpakita si Nasis bangod ini ang wala man sang warrant of arrest.
Pinaagi sa pagpakita, sarang sini madepensahan ang kaugalingon gikan sa mga akusasyon kag ini ang mahimo pa nga makabulig sa imbestigasyon.
Sa pihak sini, nagabantay naman ang mga kapulisan sa pamilya ni Pearl Joy bangod gina-alegar nga ginapahog ni Nasis ang iya nga iloy.
