Patay ang isa ka iloy matapos malapakan sang dump truck sa Barangay Hilamonan, ciudad sang Kabankalan, kahapon, kapin alas-12:30 sang udto.
Ang biktima ang ginkilala nga si Maria Cecilia Martinez.
Sa interview sang Bombo Radyo kay Police Captain Jovan Vinzon, Deputy Chief of Police sang Kabankalan City Police Station, naga-angkas ang biktima sa iya bana sa motorsiklo kag nagabyahe padulong sa Kabankalan Public Cemetery agud magkumpanyar.
Suno diri, nag-overtake ang dump truck sa mag-asawa apang na-side swipe sila nga duha.
Nagtabog si Cecilia sa goma sang truck kun sa diin nalapakan ini kag gilayon nga napatay.
Samtang nakaluwas naman ang iya bana sang magtabog sa pihak nga bahin papalayo sa truck.
Sa karun yara na sa kustodiya sang Kabankalan City Police Station ang drayber sang dump truck.
