Matapos ang kapin anom ka oras nga pag-negosyar sang kapulisan, nagsungka ang lalaki nga nagpang-hostage sang iya iloy sa Barangay 4 ciudad sang Victorias kagab-i.
Sa interview sang Bombo Radyo Bacolod sa informant nga si alyas Boy, ginpahayag sini nga mga alas-6:00 kagab-i sang nakabati sila sang ginabanta tatlo ka lupok sang pusil.
Sa pagpangusisa sini sa mga nagalabay sa dalan, iya nahibaluan nga may yara sang nagakatabo nga hostage-taking sa amo nga lugar.
Ginkilala sini ang suspetsado kay alyas “Totskie”, nagapang-edaron sang 30 tubtob 40-anyos.
Suno sa informant, ginhostage sang suspetsado ang iya iloy apang sa ulihi, nakadalagan ini kag na-safekeep sang kapulisan samtang padayon naman nga nagtinir sa sulod sang puluy-an ang suspetsado nga gina-alegar may yara sang pusil.
Pasado alas-12:00 kaina sang kaagahon sang nagsungka ang suspetsado sa kapulisan.
