Batunon sang iloy nga si Michelle Aligato, ang ano man nga pagbasol sa iya kasunod sang kamatayon sang agot sa 13 ka mag-ulutod matapos maanod sa suba kahapon, Setyembre 13, Friday the 13th.
Ang biktima ang ginkilala nga si James Arnaez, kindergarten pupil.
Sa interview sang Bombo Radyo Bacolod sa iloy, gindala sini ang mga kabataan bangod sila ang wala sang upod sa balay ilabi na nga wala man sang klase.
Apang sa pagpauli alas-4:00 kahapon sang hapon, sila ang nakadalin-as sa pikapika sa suba sa Purok Pag-asa, Barangay Alijis, Bacolod City.
Nagpinsar pa ini nga si James kag ang grade 2 pupil sini nga magulang nga babayi ang nalunod bangod upod ang duha sang naanod.
Suno diri, narescue ang babayi nga nakapanghawid malapit lamang sa taytay nga kawayan.
Pahayag sang iloy nga nagahandom ang iya bata nga mangin pulis ukon spiderman.
Tuman man ang paghilibion sini sa pagsaysay sang makita nga gina-anod sang balod ang iya bata.
Apisar nga luyag man sini nga maglumpat, indi man mahimo sang iloy bangod siya ang may 12 pa ka mga bata nga nabilin.
Aminado ini nga wala na sang tyansa nga makita nga buhi ang bata bangod sa ini ang indi kabalo maglangoy, kag tuman ka baskog sang daludo sang tubig.
Ginapasalig na lamang sini nga hatagan sang disente nga lubong ang bata.
Suno diri, siya ang ginabasol sang madamo sa trahedya, kag ini ang handa niya nga batunon, apang nagapati ini nga ang bata lamang niya ang nakahibalo kun paano niya ang mga ini ginatipigan.
