Hugot nga nagapati ang iloy sang lima ka tuig nga bata nga nasapwan sa sapa sang Barangay Handumanan, Bacolod City sang Disyembre nga may foul play sa kamatayon sang iya bata.
Sa interview sang Bombo Radyo Bacolod kay Melodia Aguirre, iloy sang bata nga si Quenie Aguirre, nagapati ini sagihapon nga may foul play sa kamatayon sang bata.
Suno sa iloy santo sa nagwa nga autopsy result nga wala sang nakita nga indikasyon sang foul play sa kamatayon sang bata.
Una naman nga ginpahayag ni Bacolod City Police Office Director Police Col. Joeresty Coronica nga wala sang foul play sa kamatayon sang biktima.
Ginpahayag man sang iloy nga bisan indi sila kumbisido nga wala sang foul play apang wala man sila sang ebidensya nga makapamatuod sang ila pagpati.
May ginatudlo man sa ila lugar nga ginalantaw may kahilabtanan sa kamatayon sang biktima apang wala sang may mawitness bangud nahadlok ini.
Madumduman nga namissing si Quenie Aguirre sang Disyembre 21 kag nasapwan na wala na sang kabuhi sa sapa sang Disyembre 28, 2024.
