Padayun ang panawagan sang iloy sang namissing nga 15 anyos nga bata nga babayi sa Barangay Sum-ag, Bacolod City, nga ini ang makapauli na sa ila nga luyo.
Sa interview sang Bombo Radyo Bacolod kay Jennifer Galve, iloy ni Pearl Joy Ortiz Galve, Grade 10 student sang Sum-ag National High School, ang iya dalagita nga bata ang umpisa nga namissing sang Hulyo 29, opening of classes.
Suno diri nag-eskwela pa ang iya nga bata sang aga, kag sang udto ini ang nakita sang iya stepfather sa Sum-ag Elementary School.
Gin-upod ini sang stepfather upod sa iya manghod sakay sa tricycle apang nagpanaog ini kag nanindugan nga malakat na lamang padulong sa high school.
Antes paman sini, nahibaluan nga ginhagad ni Pearl Joy ang iya nga pakaisa nga mag-upod sa iya bangod siya ang magakuha sang motor.
Apang wala nag-upod ang iya pakaisa, gani ginalantaw nga ini ang may gin-updan.
Panawagan sang iloy sa iya anak ukon sa nagdala diri nga ibalik ang ila nga bata bangod sila ang nagakabalaka.
Pahayag sini nga nagaring ang cellphone number sang iya bata kun tawagan, kag ini ang gincontact man nila sa messenger.
Apang ini ang wala nagasabat sa video call, kag nagaseen lamang, tubtob nga sila ang ginblock.
Indi naman segurado sang iloy kun iya gid man nga bata ang nagagamit sang cellphone.
Aminado ini nga ginbakol sini ang iya nga bata halos isa ka semana antes ini madula bangod sa ini ang masami nagalagaw nga wala nagalesinsya.
Apang panindugan sini nga ang pagbakol sa dalagita ang indi man sa lebel nga ini ang maglayas, bangod sang aga antes madula, ini ang nagpangayo pa sa iya sang load nga iya man ginhatag.
Ginpamangkot naman sang iloy ang mga classmate kag manunudlo sang iya bata, apang wala gid sang may nakahibalo kun sin-o ang gin-updan sini.
Nahibaluan nga nabilin sa classroom ang bag ni Pearl Joy apang ini ang wala na nagsulod sa klase sang hapon.
Samtang, nakabatun sang impormasyon ang Bacolod Police Station 9 nga may nakakita sa namissing nga 15 anyos nga dalagita sa Barangay Sum-ag, Bacolod City sa ciudad sang Bago, apang ini ang wala gid nila makit-an.
Si Pearl Joy Ortiz Galve, 15 anyos, Grade 10 student sang Sum-ag National High School, ang nakasulod pa sa aga nga klase sang Hulyo 29, opening of classes, apang bag na lamang ang nabilin sa classroom kag ini ang wala na nakasulod sa klase sang hapon.
Sa interview sang Bombo Radyo Bacolod kay Police Captain Michael Tuburan, station commander sang Bacolod Police Station 9, ang ila imbestigador ang padayun man nga nagapakig-angot sa iloy sang biktima.
Isa sa ginalantaw nga posibilidad sa pagkadula sang dalagitan ang bangod ini ang naglayas, apang wala man sang ideya ang himata sini kun sin-o ang iya gin-updan.
Apang sila ang nakabatun sang impormasyon nga may nakakita sang dalagita sa Barangay Calumanggan, Bago City, apang sang ginpadulungan sang kapulisan ang lugar, wala man nila makit-an si Pearl Joy.
Sa karun padayun ang panawagan sang kapulisan nga ini ang magpauli na kag kun may impormasyon kun sa diin sa karun ang dalagita, sarang gid nga makig-angot sa ila talatapan.
