-- ADVERTISEMENT --
Padayon ang imbestigasyon sang Siaton Municipal- Bureau of Fire Protection sa nagluntad nga sunog sa Siaton National High School (SNHS), Brgy. Poblacion 3, Siaton, Negros Oriental, sang Mayo 6.
Sa interview sang Bombo Radyo kay FO2 Sydney Ortega, investigator sang Siation BFP, nagdangat sa kapin P800,000 ang balor sang halit sa nasunog nga duha ka classroom, isa ka library, kag isa ka canteen.
Suno diri, wala nalakip sa polling precinct ang duha ka classroom nga nasunog kag ini ang igademolish na kuntani.
Nagdangat sa 3rd alarm ang sunog nga sa karun gina-imbestigaran ang ginhalinan sang sunog.
