Plano sang Philippine National Police (PNP) nga pabuksan sa Criminal Investigation and Detection Group (CIDG) ang imbestigasyon sa pila ka mga opisyal nga napatay sa war on drugs ni former President Rodrigo Duterte.
Ini ang kasunod sang nangin rebelasyon ni former Philippine Charity Sweepstakes Office (PCSO) chief Royina Garma sa Quad Committee sang Kamara nga may kaangtanan ang isa ka aktibo nga pulis sa pagpatay sadto kay Tanauan City Mayor Antonio Halili.
Suno diri, ang alkalde ang ginluthang sang sniper sadtong Hulyo 2018 samtang yara sa flag raising ceremony.
Suno kay Garma, isa ka “Albotra” ang nag-istorya sa iya kag ginpabugal pa ini.
Suno naman kay PNP Spokesperson PBGen Jean Fajardo, isa lamang ang kaso ni Halili sa pagabuksan magluwas pa sa pila ka mga kaso sang government officials nga naangot sa war on drugs.
