Ginkwestyon ni Senator-Judge Risa Hontiveros ang Anti-Money Laundering Council (AMLC) kun gin-imbestigaran nila ang mga kompanya nga nakabase sa China nga nagpadala sang kwarta sa Cale88 Foods Corporation.
Sa impeachment trial ni Vice President Sara Duterte, ginpamangkot ni Hontiveros si AMLC Executive Director Ronel Buenaventura kun gintsekyar sang ahensya ang mga kompanya nga nangin source sang mga remittance sa Cale88.
Suno kay Buenaventura, indi niya masabat ang pamangkot bangod wala nalakip sa mga dokumento nga sakop sang subpoena ang nasambit nga mga impormasyon.
Madumduman nga santo sa AMLC records nga ginpresentar sa hearing, nakabatun ang Cale88 sang kabug-usan nga P319.3 million nga remittances gikan sa China kag Hong Kong, P315.93 million gikan sa mainland China, kag P3.39 million gikan sa Hong Kong.
Suno sa Senador, pila sa mga nasambit nga kompanya ang nahibaluan nga Chinese state-owned enterprises kag may mga koneksyon sa mga kompanya nga may kaangtanan sa Chinese Communist Party.
