Imbitado sa kasal nanday Taylor Swift kag Travis Kelce sa Hulyo 3, nagdangat sa isa ka libo

Nagdangat sa kapin isa ka libo ka mga tawo ang gin-imbitahan nanday Taylor Swift kag Travis Kelce sa ila nga kasal.

Natalana nga patigayunon ini sa Madison Square Garden, sa New York sa maabot nga Hulyo 3.

Ginpakamaayo sang duha nga personal nga imbetahan ang mga bisita kaysa ipadala sa digital type agud nga malikawan nga ini ang maglapta para sa ila nga privacy.

Nakahanda naman ang mga security plans kun sa diin nakig-angot na sila sa New York Police District agud nga malikawan ang bisan ano nga kinagamo.

Madumduman nga walo ka beses na nga nagperform si Taylor Swift sa Madison Square Garden sadtong nagligad nga tuig.