Nagpanawagan sang “immediate ceasefire” si European Union foreign policy chief Joseph Borrel sa gyera sa tunga sang Israel kag Hezbollah samtang nagabisita sa Lebanese capital agud mag-istorya.
Humalin Setyembre 23, mas ginpasanyog pa sang Israel ang air campaign sini sa Lebanon kag nagpadala sang ground troops matapos ang malapit isa ka tuig nga pagbayluhanay sang atake nga gin-initiate sang Hezbollah bilang suporta sa kaalyado sini nga Hamas matapos ang pagpang-atake sang Palestinian group sang Oktubre 7, 2023 nga gintunaan sang gyera sa Gaza.
Suno sa iya, isa lamang ka pamaagi ang ila ginalantaw kag ini ang immediate ceasefire kag full implementation sang United Nations Security Council Resolution 1701.
Nagpanawagan man si Borrel sa Israel nga iwithdraw na ang tropa sang Israel nagikan sa Lebanon.
